دھویں کی لہر، پنجاب میں اسموگ کے تدارک کیلئے مختلف اقدامات زیرغور

حکومت پنجاب نے اسموگ کے تدارک کے لیے مختلف اقدامات پر غور شروع کردیا

نگران وزیر ٹرانسپورٹ پنجاب ابراہیم حسن مراد نے کہا کہ اسموگ سے نمٹنے کیلئے گھر سے کام ، آن لائن اسکولنگ اور پبلک ٹرانسپورٹ محدود کرنے پر غور کیا جا رہا ہے

انہوں نے کہا کہ فضائی آلودگی میں اضافے کا سبب بننے والی گاڑیوں کے مالکان پر جرمانہ ہوگا جب کہ انڈسٹری، بھٹہ مالکان اور زرعی زمینوں پر فصلوں کی باقیات جلانے والوں کے خلاف بھی سخت کریک ڈاؤن کریں گے، گزشتہ ہفتے جو اقدامات اٹھائے ان کے بہتر نتائج برآمد ہوئے اور اسی لیے اسموگ کو کم کرنے کیلئے مزید کوششیں کی جارہی ہیں

دوسری جانب نگران وزیراعلیٰ پنجاب نے اسموگ کی صورت حال پرکل اجلاس طلب کر لیا جس میں اسموگ کے تدارک کے لیے سخت فیصلے کیے جانے کا امکان ہے۔

Share

اپنا تبصرہ بھیجیں